呢幾年，海底捞的速食食品產業都越黎越多，今日，我地就黎食其中一款嘅酸辣牛肚粉。有時食岀前一丁、合味道杯麵食到悶，都想試下新野！
相比起平時嘅杯面，調味料都幾多喎。淨係調味料都有三種。比買家感覺都幾好，同平時食嘅杯面得一包嘅調味料唔同，仲有其他配料包。就等小編即刻同大家試下啦！
不過可能個杯嘅size太細啦！好難將啲薯粉塞哂入去。
開始試食啦！佢比到你嘅味覺唔係淨係得辣，而且加埋個酸，再配埋嘅配料，令到食落去好有層次。口感係偏酸同麻，但又唔會太辣。即使係唔食得好辣嘅朋友都可以試下。牛肚同粉絲嘅質感亦都幾好！
佢仲有岀其他嘅味，大家都可以買黎試下啊！而且價錢都唔貴。當然佢都一定唔係最平嘅杯麵，但有時OT、想食宵夜、想慳錢佢都會係一個可以考慮嘅選擇啊！
＊部份相片或資料源自互聯網
＃海底撈 ＃辣