【拍拖好去處】遊覽漁村風情｜吃喝盡在大澳｜體驗「漁村風情」🌊

近期更新嘅文章都主力介紹好多「身體力行」嘅景點！今集一日情旅，小編就會幫大家安排大澳半天遊，同另一半體驗一次「漁村風情」啦！

岀發指南：

時間：12:00

地點：東涌地鐵站B出口

所需物品:

現金 (掃街必備)
帽子/ 遮/ 風扇 (日間時間有猛烈太陽)
蚊怕水/ 無比滴 (如需耍)

大家可以坐地鐵到東涌站B出口，步行至東涌巴直站乘搭11號巴士，大概所需1個小時左右就到大澳。1點pm多少少到就係最好嘅時間，因為大家係要預時間掃街搵野食。

搭咗1個鐘頭車，相信大家都好口乾，去到當然要買返支冰涼嘅野飲降下溫啦！第一間要介紹嘅就係「車站豆腐花」，位置係永安街入面，大家只要過咗條打卡橋直行轉右就步行大概5分鐘就到架啦。哩間道地嘅冰凍豆漿係獨家鮮搾，飲落去係冇殘榨雜質，非常順滑同好香豆漿味，絕對係冇得彈啊！店內嘅豆腐花亦非常出名，值得一試架！

第一站要介紹嘅就係「車站豆腐花」，位置係永安街入面，大家只要過咗條打卡橋直行轉右就步行大概5分鐘就到架啦。哩間道地嘅冰凍豆漿係獨家鮮搾，飲落去係冇殘榨雜質，非常順滑同好香豆漿味，絕對係冇得彈啊！店內嘅豆腐花亦非常出名，值得一試架！

第二站要介紹嘅就係「極上魂燒烤」，位置都係同一條街入面。哩間嘅燒烤係即叫即整，上餐速度都偏快！小編極力推介哩間嘅燒香辣雞翼，超香口，超多肉汁，辣度又唔會好辣，純粹係調味，絕對係一流啊！而燒墨魚仔亦都好出色，表面塗左層燒汁，將墨魚仔嘅香味調咗出嚟，又唔會燒得好乾，係必食之一。小編建議大家唔好一次過溢咁多款式，因為要留返個肚食第二間燒烤啊！

第二站要介紹嘅就係「大澳士多」，位置係「極上魂燒烤」向前行幾步就會見到。哩間嘅燒烤同樣都係即叫即整！小編極力推介哩間嘅蝦醬燒腩肉，上餐未食嘅時候就已經聞到好香嘅蝦醬味，食落好香咸白嘅味道，腩肉串啖啖肉，只係得好少嘅肥肉，食落去比較彈牙爽口，係超級好味啊！燒雞軟骨亦都係頂瓜瓜，比較乾身香口，又燒得焦焦地，大家食完一串絕對係會想再加單溢多兩串先夠皮啊！熱門又好味嘅燒烤當然仲有燒雞腎、燒豬頸肉、燒一口牛、雞肉串等等⋯⋯小編建議大家唔好一次過溢咁多款式，因為要留返個肚食其他道地小食啊！

第三站要介紹嘅就係炭燒雞蛋仔，位置係近永安街街頭出返去打卡橋附近。小攤擋只要開就一定大排長龍。排緊隊就已經聞到好香炭燒雞蛋味，食落去亦都好香好脆口！大家可以拎住邊行邊散步消化。

食到咁上下，大家應該都好口乾，第四站要介紹嘅就係「水香茶寮」，位置係石仔埗街公廁右邊對出，街頭出返去打卡橋附近哩間小攤擋嘅冰凍檸檬茶係獨家秘製，同市區任何一間餐廳嘅檸檬茶完全唔一樣，味道係好獨特，小編覺得哩杯檸檬茶係全港唯一一間僅有，獨一無二架！

大家可以邊沿住舊碼頭向前行，邊沿途欣賞海景，邊嘆檸檬茶！哩個時間太陽應該都冇咁曬，大家行落都會覺得舒服啲，冇咁熱！同時，大家都可以係哩個時候拎返部手機，教返暖色系效果，慢慢影下日落，又影下個海景，再係舊碼邊坐係度休息傾下計輕鬆下。

PickMe總評分：8.6分