前言: 一日情旅嘅宗旨係希望各位豬仔豬女，每星期都可以參考下我哋幫你準備嘅節目，咁就唔使嘥時間左諗右諗啦！ (每星期努力更新)
疫情下，大家都唔可以岀國旅行。留係香港去邊到好呢？唔講你唔知，原來香都有個「港版大峽谷」。位於良田坳峽谷一直都是港人行山熱點，峽谷奇貌，同埋佢同美國大峽谷有幾分相似，所以都吸引不少人上山打卡。
PickMe岀發指南：
時間：10:00/15:30（如睇日落）
地點：屯門 --> 良田坳峽谷
物資：足夠水，小量乾糧，防曬用品
想睇呢個港版大峽谷，可以搭西鐵到屯門，然後轉乘輕鐵，在輕鐵良景站下車後，穿過良景廣場及良景邨徒步約10分鐘即抵登山口。另外，大家都要留意，峽谷原是解放軍軍事禁區，星期一至五會在峽谷內進行射擊練習，在開始前和射擊時，該區域將會懸掛紅旗或紅燈，嚴禁遊人進入靶場範圍。所以最好都係揀返星期六日或假期去好啲。
開始果段路都係以石屎路為主，但都算陡斜，需要嘅體力可能都較多。行左三十分鐘左，就可以俯瞰屯門嘅城市景，同時，大家都可以係呢個位休息下，因為接住就開始一段崎嶇少少嘅山路，而且亦會比較曬，怕曬嘅朋友就要搽定啲防曬啦！
行完呢段路，就可以睇到峽谷嘅奇景。雖被稱為港版大峽谷，但其實比美國大峽谷差得遠，美國版大峽谷深達1500米，而港版只有20米，但仍不失其壯麗景緻。
峽谷岩石紅粉交雜，根據網上資料所講係因為岩石裏的鐵被氧化成氧化鐵變紅色，長石被風化後變粉紅色。當太陽垂垂下降，將山頭染上金黃色更是醉人。影相真係冇得頂啊！
影完相，睇完咁靚嘅景色，大家可以擇行返原路落山。不過小編就覺得既然黎到，緊係唔好㗰啦！沿住山落行落山，就到下白泥泥灘。下白泥又係另一個欣賞醉人夕陽嘅好地方！睇完咁靚嘅景色，可以搭33號小巴返元朗。
返到元朗，應該都肚餓啦！大家可以去呢間1987 Kitchen 試下佢地高質嘅西餐。呢份 M5 和牛肉眼漢堡，肉質鮮嫩，份量亦都啱啱好。
餐廳資料🍔
1987 Kitchen
地址：元朗金輝徑28號好盛洋樓地下11號舖
OpenRice：https://cutt.ly/skbR4ac
更多文章📖
Tag💬
記得👍🏻
FB / Youtube / Website👈🏻
🙆♂️更多資訊盡在PickMe🙆♀️
*相片資料來自官方及網站