Lego 呢個品牌相信對大家應該一啲都唔陌生啦！無論你係小朋友定一個大人，應該都會認識LEGO。LEGO前幾年開展了專門店，有得玩又有睇，而且仲有好多款大大小小嘅LEGO賣。到今年，LEGO係香港開設LEGOLAND主題樂園。LEGOLAND Discovery Centre 香港樂高探索中心位於尖沙咀K11 Musea，佔地三萬呎，仲有10個主題園區。有遊樂設施，互動專區 等等。
由超過近萬件lego打造，仲有10個主題園區包括古堡歷險、迷你天地、魔法轉盤、樂高賽車場等，當中更有多個機動遊樂設施。其中一項機動遊戲，古堡歷險，可以比大家變身做勇士，用鐳射槍瞄準骨骸戰士以拯救美麗的公主，好刺激啊。同平時大家玩開嘅機動遊戲唔同，Legoland嘅機動遊戲，好多設施都好似Lego。
話明係Legoland，又點少得玩lego呢？大家亦可利用LEGO零件，DIY拼砌出專屬賽車，於樂高賽車場與其他人比拼一番！另有4D動感體驗、咖啡室及主題商店等，非常精彩，完全不會悶！
如果帶小朋友黎仲可以同佢地一齊去為三至十歲小朋友而設的互動教學體驗。等小朋友有得玩都可以有野學，同時又比小朋友發揮佢地嘅創意。
一班樂高迷應該好想快啲入場玩啦！入場門票分為普通門票、節日主題套票及全年通行證，普通門票為$249，主題門票為$529而全年通行證只需要$1099。詳情大家可以係Lego Facebook專頁睇返啦！
Facebook：https://www.facebook.com/LEGOLANDDiscoveryCentreHongKong/ 地址：尖沙咀梳士巴利道18號K11 MUSEA地庫1樓B131-133號
*部分相片來自網上