相信佢嘅YES NO 手勢，大家一啲都陌生啦！
香港本地品牌 Nanoer Art 將現實中嘅情景縮細到1比64嘅比例，比大家可以將呢對Figure配合落唔同嘅情景。而佢地主要就係為一班1比64模型車嘅Fans製作，比佢地可以配合返1比64比例嘅模型。
再介紹下呢對人仔，大家見到雖然佢縮到好細，而且每個細節都做到好清楚。其實要將一個實物縮細到咁細件，製作過程其實都唔簡單。呢個模型係由JC Mart建模，並且用左工業用嘅3D打印技術製作。
所以大家見到每個細節都做得好好。例如，大家見到佢件外套，每個摺痕都可以好明顯做返岀黎，條褲嘅顏色亦好仔細咁分左唔同嘅層次同埋大家仔細咁睇，佢真係能夠做返個表情，動態岀黎！做工的確唔錯！
最後，都比大家睇下個包裝，係包裝上面亦可以睇到呢間公司嘅產品都係Made in Hong Kong. 呢間公司主打岀品各款高質的3D打印公仔，可能因為佢地質素真係幾高，而且價錢亦o合理加上產量不多，好多產品即使有限購亦好快賣哂！大家有興趣就可以去佢地Facebook page欣賞下佢地嘅作品！
其他資料
Facebook page: Nanoer Art
https://www.facebook.com/Nanoerhk/
*歡迎轉載文章
*部分圖片及資料取材自網上