今個冬天明顯比上年天凍，天氣忽冷忽熱，更加容易傷風感冒，所以喺屋企同出街嘅時候就要準備定啲嘅保暖用品。今日小編就會同大家分享3大保暖貼士 + 介紹3款唔同產品，咁就算幾凍都唔再怕喇！
3大保暖貼士Share
Tips 1
天氣凍嘅時候，訓前記得著襪為自己雙腳保暖，因為可保護遠離心臟的四肢有足夠溫度，咁樣一來就無咁怕凍啦。但大家記得對襪唔好太緊，以免影響氣血循環。
Tips 2
冬天就係大家放縱嘅時候，大家可以多進食熱量比較高嘅食物，例如熱牛奶、熱湯、飯同麵等等。而且唔好飲太多濃茶、咖啡或酒，因為酒精會導致血往皮膚表面流，一但血液離開身體重要器官，人對冷嘅感知系統會變遲鈍，所以大家一定要更加小心。
Tips 3
好多人冬天都會著羽絨，但買羽絨都有學問架！大家選購羽絨嘅時候可以先用手摸，憑手感判斷羽絨嘅物料係羽毛定絨毛較多；若摸到硬羽毛梗，代表羽毛含量較高，絨毛含量相對較低，保暖能力亦會比較差。亦要留意羽絨身上的標籤、包括絨毛含量、蓬鬆度(FP)及是否符合人道羽絨標準等。
3大保暖產品介紹
Baleno - Thermal Extra 超暖長袖內衣
保暖內衣貴唔一定好，消委會測試咗20款市面上常見嘅保暖長袖內衣，當中以Thermal Extra 超暖長袖內衣性價比最高，因為佢嘅保暖度名列所有樣本中嘅第3位，而售價都只係$99，性價比王當之無愧。順帶一提平時大家著開嘅Uniqlo heattech extra warm都只係排第9位，就知道Baleno - Thermal Extra都真係幾保暖啦！
iNNOTEC 預熱電暖氈
iNNOTEC 預熱電暖氈採用咗加厚滌綸織物合成布料，滌綸纖維強力比棉花高1倍，比羊毛高3倍，所以更加結實，滑爽，而且不易褶皺。大家可以固定張電暖氈喺床墊上，瞓覺嘅時候就可以摺埋自己，咁就隨時隨地都有個暖笠笠嘅被鋪啦。另外iNNOTEC 預熱電暖氈亦採用咗可拆式控制器及可清洗式設計，更加方便大家日後清洗。
• 3種溫度設定 • 電暖氈尺寸：150 x 80厘米 • 60W
Smartmi - 智米電暖器 1S
Smartmi 智米電暖器 1S 運用空氣對流加熱技術，快速加熱最大2200W加熱功率，加上體積輕巧，非常適合香港呢啲寸金尺土嘅屋企。另外Smartmi 智米電暖器具有防止過熱及相關安全措施，必要時會自動關閉電源，咁大家就用得安心又放心啦。
• 三檔調節 • 安全開關的溫度控制 • 雙重安全保護
*價錢參考各大網上購物平台
*產品說明參考官方網站或其他購物平台