• An

【PICKME玩樂】盲盒會令你抽上癮 |賣玩具賣到上市|盲盒有咩好玩

已更新:2021年4月19日



近年由Pop Mart掀起一鼓抽盲盒嘅熱潮。盲盒有別於大家平日買野嘅消費模式。盲盒產品係,你購買時只會知道全套系列會有什麼款色的產品,但至於每一盒的款色,你要買左折開先會知道。

好似係一種新嘅消費模式,但其實好耐之前有嘅扭蛋都係類似呢種模式。抽盲盒,扭蛋吸引嘅地方就係佢地往往帶住一份神秘感,你到買左折開先知係咩。一齊睇下小編今次會介紹邊款盲盒啦!

由本地藝術家,龍家昇老師創作,近年熱門,被瘋狂炒賣嘅搪膠公仔Labubu公仔,最近亦聯乘Pop Mart岀左多個唔同系列嘅盲盒。



Labubu呢隻公仔,帶住狡猾嘅笑容,有一種古惑嘅感覺,實在係有一種講唔出嘅魅力係當中。所以,小編都忍唔住手,見到呢一款近期熱門嘅公仔Labubu岀左一套露營嘅系列,好多款都好吸引,所以都忍唔住抽左一盒啦!

抽盲盒或者扭蛋其實成日都有15,16,又想經歷下抽果一下嘅快感,又怕抽到自己唔鍾意款色嘅擔心。好啦!見呢套露營系列有特別係想抽到Spooky睡袋同埋Cook Set煮野果款,而其他款都幾靚,所以就去馬啦!

開盲盒同抽蛋總係唔鍾意一下扭開或者折開,總係鍾意慢慢開,哈哈,真係唔明,明明一下拆開佢同慢慢開入面隻公仔都唔會變。或者,呢個就係抽盲盒好玩嘅地方,鍾意呢一種刺激感。


開左啦!第一次抽Pop Mart嘅盲盒,估唔到包裝上面果款都有機會抽到,以為淨係得包裝背面列岀黎果啲款。Ok 呀!雖然唔你最想要果兩款,但呢隻都好靚。


今次就講住咁多先啦!小編都係一個鍾意玩玩具嘅人,仲有好多關於玩具嘅野想同大家分享。記得留意住我地更新啦!


部份相片來自互聯網

歡迎轉載文章

15 次查看0 則留言