【PICKME推介】設計Poster、執相、剪片一Take過!手機App推介📱

設計Poster、執相、剪片一Take過!手機App推介📱


依家唔洗一定識用Ai, Ps先可以做設計,因為你只需要有一部手機,再下載我哋精選嘅手機App,就可以做齊唔同專業軟件嘅基本功能。功能上已經足夠滿足大家日常做Project,出IG Post同剪片架啦!


(一) Canva

Canva係一個平面設計平台,用家可以係到自由創作海報、卡片同其他設計內容等。


Canva具有非常直觀嘅拖放界面,大量模板提供大家選擇,啱曬冇咩設計天份嘅新手。Canva亦具備雲端自動儲存功能,大家可以輕鬆下載所需文件。


平台本身係免費使用,如果大家想要更高級嘅功能,亦可以選擇佢地嘅付費訂閱,如Canva Pro和Canva for Enterprise以獲取更多附加功能 (例如新增字體)。用戶亦可以為要印刷及運輸嘅產品付費,由設計到生產都可以經Canva完成。


四大優點

  • 功能全面,簡單易用

  • 沒有廣告彈出,用户可以專心設計

  • 設有雲端儲存,輕鬆下載所需文件

  • 可下載多個文件格式,可按需要自行轉換


美中不足

  • 沒有分層(Layer)功能

  • 繁體中文字型選擇較少

  • 免費版不能上載字體


(二) Inshot

InShot係一款結合專業影片編輯及製作拼圖嘅手機App,大家可以係介面先選定所需功能,再進行設計!


InShot擁有基本的影片剪輯功能,剪接操作簡單易明,亦有大量過場效果、慢動作、濾鏡、貼圖,及潮流音樂,基本功能完全免費使用。


免費版本會有InShot嘅水印,但大家只要播放廣告即可去除水印,尚算可以接受。而大家亦可選擇支付$23即可去除廣告及水印。


四大優點

  • 影片設有雲端儲存

  • 製作拼圖簡單易用

  • 計有綜藝字體,符合主流設計要求

  • 大量免費影片及圖片素材 (亦有付費版)


美中不足

  • 沒有電腦版

  • 沒有分層(Layer)功能

  • 圖像文件一經轉出(Download)後將不能更改

(網上教學片段)


(三) Text On Photo

Text On Photo係一款比較少人知道嘅手機App,主前只能於Google Play下載。但當中功能亦算齊全,介面清晰易用。


最大賣點係佢可以自行上載所需字體 (免費),此功能以免費手機app嚟講比較罕見。另外,Text On Photo 亦有大量歐美風格嘅英文字體,如果大家有需要製作英文為主嘅設計,Text On Photo 係一款唔錯嘅圖片編輯App


四大優點

  • 可上載所需字體

  • 提供分層(Layer)功能

  • 大量精美英文字體可供選擇

  • 大量免費圖片素材 (亦有付費版)


美中不足

  • 有廣告

  • 沒有電腦版

  • 目前只提供Android用户可以下載 (Google Play)


總括而言,以上幾款手機App都係以方便及免費作為賣點,大家可以自行到App Store / Google play 下載。雖然未能完全代替主流專業軟件,但已足夠大家日常生活使用!


更多文章📖

【編輯軟件】 Adobe電影編輯軟件幫您高效地進行編輯工作

【編輯軟件】 OpenShot 影片編輯器易於使用、能快速上手、功能強大。