top of page

【2024 長洲一日遊】 | 長洲賓客人數多,長洲打卡一日遊

已更新:2月14日

難得放假,當然要去下遠啲嘅地方,長洲可以話係"最安全"嘅行程,有山行、有水玩 (東灣泳灘),有單車租,餐廳食肆Shopping一應俱全,如果疫情好返又撞啱時間可能仲可以睇長洲太平清醮添,所以放假去長洲永遠都無死!


【長洲一日遊 - 打卡位】甘永泰馳名大魚蛋

甘永泰馳名大魚蛋可以話係長洲老字號,佢嘅大魚旦比起一般魚旦大上約三倍或以上,而且食落係有少少魚味,唔會有魚腥味 / 好勁雪藏味,而且好彈牙,仲新鮮滾熱辣,中意嘅買少少返屋企打邊爐都好呀,而且仲有其他好似三文魚丸拼芝士丸、魚肉釀豆卜、花枝丸。不過如果你係即場買即場食,小編就唔見有豉油同辣椒油提供,所以依個位會扣左少少分 (不過亦反映老闆對自己魚旦好有信心)。


另外,如果想食多檔,會推介另一間叫做時來食坊,佢嘅賣點係好多魚旦醬汁比你揀,眼見有沙嗲、咖喱、麻辣、冬陰公、原味、椒鹽等,其實都一定要食


【長洲一日遊 - 打卡位】愛情鎖牆

去唔到韓國愛情鎖牆或巴黎愛情鎖橋,去長洲的愛情鎖牆「Lock of Love」都一樣浪漫。這是個由一個個七彩繽紛的愛情鎖以及心型木牌拼湊而成的走廊,大家可以即場購買塑膠許願鎖或心型木牌,寫上甜言蜜語並掛於牆上,留下美好回憶。


【長洲一日遊 - 打卡位】東灣泳灘

長洲東灣泳灘係長洲最大嘅泳灘,沙灘就較為窄身,行步全程約需15分鐘。行完就可以順手行堆去另一個觀音灣泳灘 (就係前面少少)。兩個泳灘均由康樂及文化事務署管理,有救生員、防鯊網、廁所、更衣室、淋浴設備、浮台等基本設備。


長洲交通及渡輪班次乘

  1. 搭港鐵至中環港鐵站

  2. 步行約5至10分鐘到達中環5號碼頭,即可乘搭渡輪前往長洲。

  3. 中環往長洲的渡輪班次約30至45分鐘一班,要留意星期一至六的渡輪班次,與星期日及公眾假期的時間不一樣!


中環 - 長洲時間表


中環(五號碼頭) - 長洲

本航線設有普通渡輪及高速船航班。普通渡輪分為普通客艙及設有冷氣設備的豪華位客艙。高速船全船均有冷氣設備。航班座位以先到先得形式分配,滿座後未能登船之乘客請等候下一班航班。


👉🏻👉🏻👉🏻👉🏻2024 更多工作坊👈🏻👈🏻👈🏻👈🏻


更多文章📖


記得👍🏻

FB / Youtube / Website👈🏻

🙆‍♂️更多資訊盡在PickMe🙆‍♀️

PickMe Studio IG 帳戶 連結


資料來源︰

香港旅遊發展局及網上取材

230 次查看0 則留言

Comments


Commenting has been turned off.
bottom of page