【週末好去處】 東平洲一日遊|留落荒島定係世外桃源?

已更新:2021年5月30日

前言: 一日情旅嘅宗旨係希望各位豬仔豬女,每星期都可以參考下我哋幫你準備嘅節目,咁就唔使嘥時間左諗右諗啦! (每星期努力更新)


深信大家日平都係忙於返工放工,放假都可能留係屋企睇下Netflix,基本上都唔會點去郊外地區,坐船出島更係少之又少。但係拍拖點都唔可以成日太「Hea」,所以今集一日情旅,就會幫大家安排東平洲一日遊,同另一半嚟一次「遠行」啦!


PickMe岀發指南:

時間:8:30

地點:馬料水碼頭

其他物品:

  • 足夠食物及水

  • 外套 (坐船好大風)

  • 暈浪丸 (如需)


想去東平洲都唔係咁簡單,首先只係得星期六、日及公眾假期先有來往東平洲同馬料水碼頭嘅船,如果平日先得閒嘅豬仔豬女就可能去唔到啦。其次大家一定要早起,因為只係得早上九點船 (但小編個日船長加左2班船),而且星期六、日都幾多人去,最好再早半小時排定隊呀!


另外要注意啦,小編個日就選擇買定啲野食入去食,因為一邊望住個海景食嘢都幾寫意。不過其實入面都有間叫新昌嘅士多,上網睇到啲評論都好似幾好味,價錢亦算公道,大家亦可以去到先買野食嘅。


不過今次行程重點都唔係食野,而係嚟影靚相。以下係一啲嚟東龍島一定要打卡嘅位,大家可以圍住個島慢慢行,享受東平洲獨有嘅風景,坐喺石壆邊吹下海風。


大家記得玩到5點就要返去碼頭,因為得一班船可以返到市區架,Miss左大家就可能要係東平洲生活架啦!出到去大約都晚上7點左右,大家可以原路坐返地鐵出沙田新城市廣場。


因為大家都行左成日,應該都冇咩氣力搵野食,所以大家可以近近地去1樓嘅PizzaExpress,食個簡單嘅西餐,個人推介必食蟹肉白酒汁意粉,食完順路又可以行下新城市廣場,享受一個簡單又豐富嘅一日情旅。!


PickMe總評分:7.4分

餐廳資料

店名:新昌士多

地址:東坪洲碼頭

Open Rice食評: https://cutt.ly/9kzoKVl


餐廳資料

店名:PizzaExpress (新城市廣場)

地址:沙田新城市廣場一期1樓121號舖

Open Rice食評: https://cutt.ly/5kzmEjt




其他資料

1. 東平洲設有政府露營地,中意露營或觀星嘅情侶可以考慮帶齊野去Camping

2. 馬料水往東平洲街渡渡輪成人收費 $90.0(來回程)

3. 馬料水往東平洲街渡渡輪服務時間表,船程約為1.5小時


*部分圖片及資料取材自網上

#郊 #東平洲 #週末好去處末 #東平洲 #馬料水 #PizzaExpress #一日情旅 #親子

144 次查看0 則留言