【拍拖好去處】漫遊彎曲山 |居高臨下|欣賞西貢美麗風景🌄


今集繼續帶各位豬仔豬女行山,睇靚景,打卡呃like!呢排天氣都好唔穩定,日夜溫差又較大,大家岀去都記得著多件外套啦!趁夏天仲未正式來臨,間唔中都涼涼地就繼續帶大家去行山郊遊啦!今次同大家去位於西貢麥理浩徑第四段嘅彎曲山。今次嘅特別之處係到彎曲山,行山路線特別彎曲,有一番特別嘅景。👍

見到呢個指示牌,沿著麥理浩徑第四段行

岀發,開始果段路都比較容易 ,都係鋪得比較好嘅山路,之後嘅路段就會比較辛苦,崎嶇,冇咁平坦。

經果一段較崎嶇嘅山路,途中亦有一個竹林,可以影相,順便休息一下。之後就會見到另一條分岔路,往右邊繼續行就可以啦!

跟住就會見到彎曲山啦!見到呢個景色,辛苦啲都值得啦!

欣賞完咁靚嘅景色,準備回程啦!有一段比較斜嘅斜坡,大家要小心啲!之後見到一個指示牌,大家可以按自己嘅行程揀返自己想行邊個方向。但我地就會建議大家沿住恆安果邊行。跟住行返恆安可以乘搭NR84村巴返馬鞍山。

馬鞍山岀名係美食沙漠,都冇咩特別岀眾嘅餐廳。小編今次就揀左呢間充滿少女風嘅餐廳比大家,坦白講食物就冇好特別同岀眾嘅菜色,唯獨係環境唔錯,好有少女Style!

大 家都知道馬鞍山係一個美食沙漠,都冇乜特別好岀眾同特別嘅食物。所以今次都係選擇左一間港色嘅冰室試下。環境都算不錯,其他都ok,可以啦!


餐廳資料

地址:馬鞍山保泰街16號We Go Mall地下G05舖

*部分資料來自網上

*歡迎轉載文章

2 次查看0 則留言